Nôno mi je ostȁvi motȉku
Rȅkā je: “Sȉni mõj, nemôj da ti se
nȉkad deštemperȁ motȉka!”
Nôno mi je ostȁvi motȉku
Rȅkā je: “Sȉni mõj, nemôj je bācȉt
nẽćeš nȉkad bȉt glãdan!”
Nôno mi je ostȁvi motȉku
Rȅkā je: “Sȉni mõj, zatȍp je ȕ vodu
da ti ne hlȁbje, da ti ne pȕkne držȁlo!”
Nôno mi je ostȁvi motȉku
Rȅkā je: “Sȉni mõj, glȅdāj kakȍ držȁlo grẽ ȕ uši
nemôj je nasādȉt ȕkrīvo!”
Ẽ, tõt smo…!?
Nemôj je nasādȉt ȕkrīvo!
Nemôj je nasādȉt ȕkrīvo!
Koda se pȉva sȁlam u crĩkvi
odrebatĩjedu mi vê rîči u prsȉman!
(Zarad čȅga mi odrebatĩjedu
vê rîči u prsȉman…?)
Kakȍ jã svȅ znân
(kȍ svȁko mlãdo čejādȅ
krcȁto fôrce ol životȁ
ma prãzno pȁmēti ol životȁ)
stâ san se mećȁt
sâm nasādȉt držȁlo ol motȉke.
Nôno je znȁ
da vajȁ znȁt
držȁlo ȕ uši motȉke fermȁt.
Jã nīsân znȁ
da tȍ vajȁ znȁt
jȅrbo, jã svȅ znân…
A nīsân ni znȁ
da san držȁlo
ȕ uši ol motȉke
ȕkrīvo fermȁ.
Motȉka je bĩla nasãđena ȕkrīvo…
Onȁ je tȍ znȁla
jã
nȅ…
Šotobrȁco jã i motȉka
ȉšli smo u vȑtāl.
Onȁ znȁ svȅ
a i jã znân svȅ…
Nīsân znȁ sâmo tȍ
da je motȉka bĩla nasãđena
ȕkrīvo…
Motȉka je
pametnȉja ol mȅne…
Smȉrī san š njõn obo zȅmju
kjûn ol motȉke je plȅsnu
obo škorũp ol vȑtla
i zazvonî je pȍjubac
gvȍzda i stīnjẽ po dvōrȕ.
Zemjȁ se zadȉmīla
škȁja je poletȉla
svõn fôrcōn me je
u šćūtȅ ol nogẽ udrȉla.
Svȅ zvīzdȅ su zasjȁle
ȕ po bĩla dâna
u dvōrȕ…
Motȉka je bĩla nasãđena ȕkrīvo…
A onȁ
svȅ koda bi mi ništȍ rȅkla…?
Motȉka, ȕkrīvo nasãđena…
Zatvorî san jȍči
pa dȉga glâvu prama nȅbu
(jȍšćec mi svĩtlīdu zvīzdȅ
ol škȁje u šćūtȉman)
a nikȉ, koda ânđel
s nebẽs mi govȍri:
“Ča sȉ mȉsli učinȉt ol mȅne vãke?!”
(“Ča sȉ mȉsli učinȉt ol mȅne vãke?!”
Jȍpēta odrebatĩje u mojîman mȍžjāniman
kȍ antȉfona sâlma iz Barabȁna na Vȅlu srîdu…)
Prvô ću zamotȁt nȍgu
u fȁšicu
fermȁt kȑv
ča jȅ je
pūstȉla motȉka
nasãđena
ȕkrīvo…
Ondȁc ću põć nãć držȁlo
uberenȍ držȁlo ol česmȉne
uberenȍ u štajūnȕ
i ispilâno
i izdȉlāno
ma se nĩ rȁšpōn finȉlo
ȕ fīno…
Vajȁ finȉt držȁlo
i ne falȉt jȍpēta
jȍšćec jedân pũt
pa nasādȉt
motȉku
ȕkrīvo…
Bȍže, oćȕ znȁt finȉt držȁlo
nônotovo
pa nasādȉt
motȉku
prȁvo?
Nôno mi je ostȁvi motȉku…
Nôno mi je ostȁvi držȁlo…
Nôno mi je ostȁvi i šakopêrtu
a u njõn kȍmād kârte ol sakȅta cimênta
na kojõn je sa lâpišon za sinjāvȁt facâde
bîlo zdatâno:
“Sȉni mõj, znâ san da ćeš jednẽga dâna
põć išćȁt nȍ uberenȍ držȁlo za motȉku
nȁmo u nõn prostorȉji dȉ stojīdũ drvȁ
ča jȅ na njȅmu bîlo pînku kȍre
znâ san da ćeš ga põć išćȁt
vȁvīk san jã bȉ vȉrova ũ te
ma nīsân znȁ ȍćeš znȁt
sâm finȉt držȁlo ȕfīno
pa san ti ga jã načinȉ
da mi tĩ ne bȉš falȉ
pa se ȕnefāl udrȉ
bȑž pȑst izgubȉ
ni u grȅbu tȍ
ne bȉ, nȅ
pȍdni…
Sȉni
Sȉni mõj
mȍlīn te nemôj
motȉku nasādȉt ȕkrīvo
motȉka je kakȍ i ženȁ, mȁtēr
kakȍ uskȍpāš, tãko ćeš i iskopȁt
ȕkrīvo nasãđena motȉka ne grẽ u vȑtāl
ȕkrīvo nasãđena jūbâv nẽma blȁgoslova
jã san ti vȍ rȅka, ma tĩ učĩn kakȍ te bȕde vȍja
Sȉni mõj, mȉšu mõj, mȉsli na blȁgoslov, nôno tvõj.”
Glȅdān vȍ ča jȅ nôno zdatȁ
(slovȉman je nacȑta dvȉ motȉke…!)
držĩn tȕ kârtu u rūcȉ
i bojĩn se
bojĩn
kȍ mãlo dītȅ
da se tȁ kârta ne bȉ
užgãla
ol fôrce jūbȁvi
i
izgorȉla…
Nôno mõj dȍbri
skužâj ča tȉ nīsân vȉrova
mȍlīn te skužâj
i ne jĩd se
ča tȅ nīsân poslȕša
da nȅ smīn
vȉrovāt
jūdȉman…
Ispȁda da san i jã
motȉka
nasãđena ȕkrīvo…
A nȍna?
Nȍna mi je ostȁvīla krȕnicu
Rȅkla je: “Sȉni mõj, zlȁmenāj se!
Jẽs se Bȍgu priporūčȉ?”
Odgovorî bi non danȁs:
“Fālȁ ti nȍna
ča sȉ me tĩ priporūčȉla
nekȁ jã nīsân znȁ!
Fālȁ ti ȍlsrca
ča sȉ mi načinȉla pȍsteju
i võde dȍli
i tõte gõri!”
Balãda obo motȉki nasãđenōn ȕkrīvo
Nôno mi je ostȁvi motȉku
Rȅkā je: “Sȉni mõj, nemôj da ti se
nȉkad deštemperȁ motȉka!”
Nôno mi je ostȁvi motȉku
Rȅkā je: “Sȉni mõj, nemôj je bācȉt
nẽćeš nȉkad bȉt glãdan!”
Nôno mi je ostȁvi motȉku
Rȅkā je: “Sȉni mõj, zatȍp je ȕ vodu
da ti ne hlȁbje, da ti ne pȕkne držȁlo!”
Nôno mi je ostȁvi motȉku
Rȅkā je: “Sȉni mõj, glȅdāj kakȍ držȁlo grẽ ȕ uši
nemôj je nasādȉt ȕkrīvo!”
Ẽ, tõt smo…!?
Nemôj je nasādȉt ȕkrīvo!
Nemôj je nasādȉt ȕkrīvo!
Koda se pȉva sȁlam u crĩkvi
odrebatĩjedu mi vê rîči u prsȉman!
(Zarad čȅga mi odrebatĩjedu
vê rîči u prsȉman…?)
Kakȍ jã svȅ znân
(kȍ svȁko mlãdo čejādȅ
krcȁto fôrce ol životȁ
ma prãzno pȁmēti ol životȁ)
stâ san se mećȁt
sâm nasādȉt držȁlo ol motȉke.
Nôno je znȁ
da vajȁ znȁt
držȁlo ȕ uši motȉke fermȁt.
Jã nīsân znȁ
da tȍ vajȁ znȁt
jȅrbo, jã svȅ znân…
A nīsân ni znȁ
da san držȁlo
ȕ uši ol motȉke
ȕkrīvo fermȁ.
Motȉka je bĩla nasãđena ȕkrīvo…
Onȁ je tȍ znȁla
jã
nȅ…
Šotobrȁco jã i motȉka
ȉšli smo u vȑtāl.
Onȁ znȁ svȅ
a i jã znân svȅ…
Nīsân znȁ sâmo tȍ
da je motȉka bĩla nasãđena
ȕkrīvo…
Motȉka je
pametnȉja ol mȅne…
Smȉrī san š njõn obo zȅmju
kjûn ol motȉke je plȅsnu
obo škorũp ol vȑtla
i zazvonî je pȍjubac
gvȍzda i stīnjẽ po dvōrȕ.
Zemjȁ se zadȉmīla
škȁja je poletȉla
svõn fôrcōn me je
u šćūtȅ ol nogẽ udrȉla.
Svȅ zvīzdȅ su zasjȁle
ȕ po bĩla dâna
u dvōrȕ…
Motȉka je bĩla nasãđena ȕkrīvo…
A onȁ
svȅ koda bi mi ništȍ rȅkla…?
Motȉka, ȕkrīvo nasãđena…
Zatvorî san jȍči
pa dȉga glâvu prama nȅbu
(jȍšćec mi svĩtlīdu zvīzdȅ
ol škȁje u šćūtȉman)
a nikȉ, koda ânđel
s nebẽs mi govȍri:
“Ča sȉ mȉsli učinȉt ol mȅne vãke?!”
(“Ča sȉ mȉsli učinȉt ol mȅne vãke?!”
Jȍpēta odrebatĩje u mojîman mȍžjāniman
kȍ antȉfona sâlma iz Barabȁna na Vȅlu srîdu…)
Nĩ tȍ bî ânđel
nĩ, sigûr san
vȅngo Šjora Motȉka
nasãđena
ȕkrīvo…
Jebênti mãlēga mȉša
ma bȁš:
ča ćȕ jã učinȉt š njõn onãkōn…?
Ča ćȕ jã učinȉt š njõn onãkōn…?
Prvô ću zamotȁt nȍgu
u fȁšicu
fermȁt kȑv
ča jȅ je
pūstȉla motȉka
nasãđena
ȕkrīvo…
Ondȁc ću põć nãć držȁlo
uberenȍ držȁlo ol česmȉne
uberenȍ u štajūnȕ
i ispilâno
i izdȉlāno
ma se nĩ rȁšpōn finȉlo
ȕ fīno…
Vajȁ finȉt držȁlo
i ne falȉt jȍpēta
jȍšćec jedân pũt
pa nasādȉt
motȉku
ȕkrīvo…
Bȍže, oćȕ znȁt finȉt držȁlo
nônotovo
pa nasādȉt
motȉku
prȁvo?
Nôno mi je ostȁvi motȉku…
Nôno mi je ostȁvi držȁlo…
Nôno mi je ostȁvi i šakopêrtu
a u njõn kȍmād kârte ol sakȅta cimênta
na kojõn je sa lâpišon za sinjāvȁt facâde
bîlo zdatâno:
“Sȉni mõj, znâ san da ćeš jednẽga dâna
põć išćȁt nȍ uberenȍ držȁlo za motȉku
nȁmo u nõn prostorȉji dȉ stojīdũ drvȁ
ča jȅ na njȅmu bîlo pînku kȍre
znâ san da ćeš ga põć išćȁt
vȁvīk san jã bȉ vȉrova ũ te
ma nīsân znȁ ȍćeš znȁt
sâm finȉt držȁlo ȕfīno
pa san ti ga jã načinȉ
da mi tĩ ne bȉš falȉ
pa se ȕnefāl udrȉ
bȑž pȑst izgubȉ
ni u grȅbu tȍ
ne bȉ, nȅ
pȍdni…
Sȉni
Sȉni mõj
mȍlīn te nemôj
motȉku nasādȉt ȕkrīvo
motȉka je kakȍ i ženȁ, mȁtēr
kakȍ uskȍpāš, tãko ćeš i iskopȁt
ȕkrīvo nasãđena motȉka ne grẽ u vȑtāl
ȕkrīvo nasãđena jūbâv nẽma blȁgoslova
jã san ti vȍ rȅka, ma tĩ učĩn kakȍ te bȕde vȍja
Sȉni mõj, mȉšu mõj, mȉsli na blȁgoslov, nôno tvõj.”
Glȅdān vȍ ča jȅ nôno zdatȁ
(slovȉman je nacȑta dvȉ motȉke…!)
držĩn tȕ kârtu u rūcȉ
i bojĩn se
bojĩn
kȍ mãlo dītȅ
da se tȁ kârta ne bȉ
užgãla
ol fôrce jūbȁvi
i
izgorȉla…
Nôno mõj dȍbri
skužâj ča tȉ nīsân vȉrova
mȍlīn te skužâj
i ne jĩd se
ča tȅ nīsân poslȕša
da nȅ smīn
vȉrovāt
jūdȉman…
Ispȁda da san i jã
motȉka
nasãđena ȕkrīvo…
A nȍna?
Nȍna mi je ostȁvīla krȕnicu
Rȅkla je: “Sȉni mõj, zlȁmenāj se!
Jẽs se Bȍgu priporūčȉ?”
Odgovorî bi non danȁs:
“Fālȁ ti nȍna
ča sȉ me tĩ priporūčȉla
nekȁ jã nīsân znȁ!
Fālȁ ti ȍlsrca
ča sȉ mi načinȉla pȍsteju
i võde dȍli
i tõte gõri!”
Krȕnicu san zamotȁ
kolo držȁla ol motȉke…
Mĩran san i srȉtan.
Nĩma vȅze čȁ dõjde kojagôd sȕza.
Onȁ opȅre ȍči
pa čejādȅ bȍje vȉdi…
Ča mȉ se vȉšje parî da nīsân srȉtan
jã san tô mirnȉji
i tô sritnȉji…
Fālȁ ti nôno
fālȁ ti nȍna.
Znâte da san vȁvīk bî
nedokãzān!
Skužâj mi nôno
skužâj mi nȍna.
Ča vȁn nīsân vȉrova…
Fālȁ van ča stȅ vĩ
ũ me vȉrovāli
i nīstȅ se umorȉli u vȉri
ũ me…
Bôg vas rȁja napojȉ!
Ȉšā san išćȁt držȁlo
neduperâno
i neučinjenȍ
ma nīsân nãša držȁlo
neučinjenȍ
vengo nônota
kojî je ostȁvi držȁlo
učinjenȍ
Ol česmȉne
uberenẽ
u štajūnȕ…
Zalāšćî mi se je nȍhat pâlca
na nozȉ
krȍnūla je
nã nje
kȁpja
iž
jȍka
Za nônoton
I
zalĩla
je
cvît
mu
na
grȅbu
Split, rujan 2014.